Hira Mai Ratsa Zuciya Daga Majalisar Annabi (SAW)

Hira Mai Ratsa Zuciya Daga Majalisar Annabi (SAW)

Wata rana Manzon Allah (SAW) yana zaune tare da Sahabbansa, sai ya fara tambayar su daya bayan daya, sai ya fara da Sayyidina Abubakar 'yantaccen wuta

Yace: "Yaa Abubakar! Me kake so a duniya?

Sai Sayyidina Abubakar yace: abinda na fi so a duniya_

1: zama a gaban ka,

2: kallon ka,

3: ciyar da dukiya ta gare ka

Sannan Manzon Allah ya koma wajen Sayyidna Umar dan Khaddabi mai abin mamaki

Manzon Allah (Saw) yace: yaa Umar! Me ka fi so a duniya?

Sai Sayyidna Umar yace : abinda na fi so_

1: a mini umurni da kyakkyawan aiki ko da a boye ne,

2: a mini hani da mummunan aiki ko da a bayyane ne,

3: da kuma fadin gaskiya ko da tana da daci.

_Sannan manzon Allah ya koma wajen Uthman dan Affan, yace masa: "yaa Uthman! Me kafi so a duniya?_

_Sai Uthman dan Affan yace: abinda na fi so a duniya_

1: ciyar da abinci ga mabukaci,

2: yada sallama,

3: yin sallah cikin dare a lokacin mutane suna bacci.

  _Sannan Manzon Allah (Saw) ya koma ta wajen Aliyyu dan Abi Daalib, yace masa: "yaa Aliyyu! Me ka fi so a duniya?_

  _Sai Sayyidna Aliyyu yace: abinda na fi so a duniya_

1: Azumi a lokacin rani,

2: Karrama bako,

3: yakar abokan gaba da takobbi.

_Sannan Manzon Allah (Saw) ya koma wajen Abaa zarril Gifaari, ya ce masa: "yaa Abaa Zarri? Me ka fi so a duniya?_

  _Sai Abaa Zarri yace: abinda na fi so a duniya_
1: yunwa,
2: jinya,
3: mutuwa.

  _Sai manzon Allah (Saw) yace: "sabida me yasa kake son su?_


Sai Aba zarri yace:
*ina son yunwa ne don zuciya ta tayi laushi,
*ina son jinya ne don zunubi na yayi sauqi,
*ina son mutuwa ne sabida saduwa da ubangiji na

_A wannan lokacinne Mala'ika Jibrili ya sauqo zuwa majalisar Manzon Allah (domin hirar ta su ta birge shi ), sai yace: ni kuma ina son abubuwa uku a duniyar ku_
1: isar da sako,
2: bayar da amana,
3: son nakasassu.

_Daga fadin haka kuma sai ya tashi zuwa sama Sannan ya sauko a karo na daban sannan yace Allah madaukakin sarki yana karanta muku sallama Hirar manzon Allah da sahabbai tayi dadi, harma Allah yana gaishe su sannan Allah yace yana son abubuwa uku a duniyar ku_
1: harshe mai ambatonSa,
2: zuciya mai tsoronSa,
3: jikin da aka jarrabce shi da balaa'i kuma yayi hakuri#.

_Tsarki da godiya sun tabbata ga Allah Girma da tsarki sun tabbata Allah_

Adu'o'i guda uku kada ku manta su acikin sujjadarku..

"Ya Allah ina rokonka kyawawan halaye".
"Allah ka azurta ni da tuba zuwa gareka tabbatace"

"Ya ALLAH mamallakin zuciyata ka tabbatar da ita akan addininka"

Lalle wannan ya cancanta ku tura zuwa ga waninku domin ya amfana.

Dauki darasin ka a cikin wannan hadisi, ka aikata shi, za ka yi nasara.

Majalisar Manzon Allah makarantar mai imani ne, yi kokari ka fita a sahun farko na daliban makarantar.

Comments

Post a Comment

Popular posts from this blog

HANYOYIN MAGANCE KURAJEN FUSKA

Image
HANYOYIN MAGANCE KURAJEN FUSKA Duk da cewa maza da mata kan samu matsalar kuraje a fuska, mata su suka fi damuwa da su fiye da maza, domin su suka fi aiko da tambayoyi a kan yadda za a magance su: kurajen taya-ni-muni pimples: kurajen pimples a turance ko acne bulgaris a likitance suna daya daga cikin larurori masu addabar samari da ’yan mata. Suna fitowa ne a daidai lokacin girma, domin a daidai lokacin ne sinadarin nan na testosterone ke yawa a jinin samari maza da kuma wasu kadan daga cikin mata. Wannan sinadari shi ke da alhakin sa maiko ya rika taruwa a fuska. Idan maiko ya taru a fuska sai kwayoyin cuta su zo su taru a wurin su kawo kurji . Hanyoyin kariya su ne kiyayi taruwar maiko da kwayoyin cuta a fuska da kirji. Wannan kan dan yi wahala amma ta wadannan dabaru za a samu nasara : 1-Rage maiko a cikin abinci. Misali, idan aka soya wani abinci, yana da kyau a tsane mai da mayanin kitchen wipe mai tsabta kafin a ci. Idan an yi haka an rage man kusan da
Read more

ASIBITIN ANNABI MUHAMMADU (SAW)

Image
ASIBITIN ANNABI (SAW) . Idan BAQIN CIKI ne ya dameka, Ko Quncin Rayuwa, Ko rashin Ciniki a Kasuwa, Ko Rashin jin dadi awajen aikinka, Ko kuma MIJIN AURE kike nema, to ga Wata Mafita daga Asibitin ANNABI (S.A.W) : . - Yawaita Salati gareshi yana kawowa samun biyan bukata da yayewar bakin ciki, da samun farin ciki, Farin jini, da kuma daukakuwar al'amuranka awajen Allah da bayinsa. . -Yawaita Istigfari yana kawowa gafarar Zunubai, albarkar rayuwa, Bullowar hanyoyin arziki, Toshewar kofofin Musibu, Yayewar talauci, Bunkasar arziki, etc. , . 2. Idan Kuma al'amura ne suka chunkushe maka, Makiya sun sakaka a gaba, Mahassada sun sa maka ido, Suna ta Qulla Maka sharri da makirci, To kyalesu ka kama Allah. Ka yawaita "HASBUNALLAHU WA NI'IMAL WAKEEL" . Da ita ne Annabi Ibraheem (A.S) ya kubuta daga sharrin Maqiyansa. Kuma da ita ne ANNABI (S.A.W) da Sahabbansa suka samu kariya daga sharrin Kafiran duniya alokacin da suka hada kai domin rushe Musulunci daga doron Qasa. . - I
Read more